کۆتایی نەهاتنی خەباتی ژنان

قۆناغی نوێی خەبات بۆ رزگاری ژنان،لە بەراورد لە گەڵ فێمینستی ئەم سەدەیە،لە ئاستێکی بەرزدایە!

دیمەنێک لە ژنانی چالاکی رۆژهەڵاتی کوردستان ... گوتاربێژ، رۆیا تلووعی

خەباتی ژنان خەباتێکە بۆ هەتاهەتایی ،لە پێناو وە دست هێنانی ئازادیەکانیان و مافی بەرابەری بۆ ژیانێکی ئارامو دور لە توندو تیژی،ئەگەر چاو لە خەباتی ژنانی دنیای دەروە بکەین ،بۆ نموونە وڵاتێکی وەک نۆرێژ، ژنانی ئەو ووڵاتە، تا رادەیەیکی بەر چاو بە مافەکانی خۆیان گەیشتونو لە زۆر بوارەکانی ژیانی خۆیان ئازاد و سەر بەخۆن بەڵام لە هەمانکاتیشدا هێشتا خۆیان بەو شێوە نیشاندەدەن کە نەگەیشتونتە مافە سەرەکیەکانی خۆیان و پێان وایە ئێستاش لە ژێر زوڵمو ستەمی کۆمڵگەی پیاو سالاریدا دەژین.

لە وڵاتە پێشکەوت خوازەکان دەبینین، رێورەسمی ٨ی مارس بە شێوەی هاتنە سەر شەقام بۆ داکۆکی کردن لە داخوازیەکانی ژنان و بە لافیتە بەرز کردنەوەو شوعار نا بۆ توندتیژی نا بۆ نابەرابەی، بەڵێ بۆ مافی یەکسانی و ئازادی تاک. ژنان دەبێت لە بوارەکانی ژیانی خۆیان حەقی رەوایی خۆیان بناسن و بزان حەق نابێت بۆ تاک بێت ، حەق مافی هەموو مرۆڤێکە بە هەردوو رەگەزەوە.

ژنان دەبێت خەباتی خۆیان بگۆرن بۆ خەباتی دیالۆگو ، بەشداریکردنیان لەکۆرو کۆبونەوە حوزوری و ماڵپەرە ئەلەکترۆنیەکان بۆ پێشخستنی خەباتی ژنان لە بوارە جیاجیاکان ،بە هێز کردنی رێکخراوەکانی ژنان و زیاد کردنی چالاکی بە شێوازی نوێ و کارامە بۆ ئەوەی ژنان خۆیان بتوانن بێنە سەر سەکۆی ئازاد بۆ داکۆکی کردنیان لە حەقی بەش خوراوی خۆیان.حەقی ژنان چین؟ئەمە پرسیارێکە رۆژانە بە دەیانو سەدان جار بە گوێی ژناندا دێت لە لایەن پیاوانەوە ،ژنانێک هەن کە جوابی ئەو پرسیارەیان لە لائاسان نیە،بۆ ئەوەی من لێردا جوابی ئەو پرسیارە بدەمەوە،حەز دەکەم وەک ژنێکی کورد ئەوە بڵێم ،ژن وەک دایک ،خوشک، هاوسەر زوڵمی ئەوەی لێ دەکرێت کە چەندە لێهاتو بیت، هەر بە چاوێکی پلە نزم سەیر دەکرێت،لە چاوی کۆمەڵگەی پیاو سالاریەوە ژن دەبێت تەنها ئەرکی بە خێو کردنی منداڵ و خزمەت کردنی هەیە.

ژنان دەبێت ئەوە بزانن کە ئێستا وەختی ئەوە هاتوە خۆیان لە بەرانبەر ئەو زوڵمو ستەمانە لێیان دەکرێت بێدەنگ نەبن و دەنگی خۆیان بەرز بکەنەوەو بچنە بەر دەم دامو دەزگا حوکمیەکان و دەسەڵتدارانی وڵات لە پێناو ئازادی بۆ ژنان و بەختیار ی بۆ کۆمەڵ .

نا بۆ ژن کوشتن 

نا بۆ چەوسانەوەو لە ناوبردنی حەزو ئارەزوکانییان.

بەڵێ بۆ ویژدان، پێکەوە ژیان و خۆشەویستی، ئازادی ، راستگۆی مرۆڤەکان

بەردەوام بێت خەباتی ژنان.