کاتێک گوێم لە دەنگت بوو، وە
تۆم بینی، خۆمم پێ ڕا نەگیراو دام لە پرمەی گریان گریانێک، لە قوڵایی ناخەوە
هەڵدەقوڵێت و لە مێژە حەزم دەکرد بە دەنگی بەرز بمکردایە!
دەزانم خۆت ئەو کەسە مەزنە
بێهاوتایەی کە تەنها خۆت لە واتای تەنیایی دەگەیت و بە دیار حەزەکانی خۆتەوە قەتیس
ڕاماویت.
خەمباری و کز بوونت بە
روخسارتەوە دیار بوو، هێمای ژوورەکەت یەک پارچە ساردوسڕی بوو.
کاتێک بانگم کردی و بە دەنگێکی کزی
سامناکەوە جوابت دامەوەو پێت گوتم: دەزانی من ئێستا لە تەنیا تەنیاترم، لە گەڵای
پایزێک تەنهاتر کە بەدەم گڤەی ڕەشەبای پایزەوە نوقمی بەرزایی ئاسمان دەبێت؟
گوتت لە دوای ئەو هەموو ساڵە
هەستم نەکردوە تەنیام، بەڵام ئێستا ژورەکەم پڕە لە بۆن و بەرامەی تەنیایی، زۆرجار
هەناسەم دەکەمە هاودەنگی خۆم و مۆمێک دەکەمە روناکی، بەڵام لە دوایدا هەر دەسوتێم
و دەسوتێم....
شەهلا یارحوسێنی
26.10.2013
هیچ نظری موجود نیست:
ارسال یک نظر